Make your own free website on Tripod.com

titleofsite1.gif

Tanwan Tanwan Tara (Punjabi Novel)

Home
Hamari Tareekh Fehmi by Hasan Jaffar Zaidi
Mansha Yaad Ka Nia Afsanvi Majmooha: Khawb Saraiy:
Ahmad Nadeem Qasmi Ki Yad Main
Tanwan Tanwan Tara (Punjabi Novel)
Soch Dalan
TVO Evening with Mansha Yad
Site of Kalum Kahani
Interview Jinnah Daily
Baba Farid Adabi Award for Mansha Yaad
aik khat
Tasweerain POP
Nai purani mulaqatain
Manto in 2005
Album Aalmi Urdu Conf
Urdu Conf : Album-2
Album-3
Rabta greets Mansha Yad
12th WPC Lahore
Cast of Rang-e-wafa Drama Seriall
Faruqi at Afsana Manzil
Narang at Afsana Manzil
Main Kiyon Likhta Hoon?

tanwantanwantaratitle.jpg
Title of Tanwan Tanwan Tara

tanwantanwantarabacktitle.jpg
Back Title of Tanwan Tanwan Tara

دیباچھ

بسم اللہ الرحمن الرحیم

 

بات پاواں بتولی پاواں

 

            اہناںمنڈیاں وچ، جہڑھے مُولاں دی ریت اُتے لکیراں مارکے باراںکٹال کھیڈدے پئے سن تے جتھے اوہ باباپکی سڑک وچکار ننگیں پیریں ٹرداآیاسی تے ریت اتے بہہ کے ہسن کھیڈن لگ پیاسی‘ اک میں ساں۔جنہوں‘کتاباںتے خواباںدی گڑھتی ملی سی۔میں چھیویںوچ پڑھداساں پر کہانیاںہنے توں میرے اند ر ککلی پانی شروع کردتی سی ۔پنڈتے سکول دے منڈیاںتوں اڈمیرے کجھ ہوروی بیلی سن۔جویں عمر عیار‘حاتم طائی‘شیخ چلی‘سلطانہ ڈاکوتے علی بابا۔کجھ شہزادے،شہزادیاں‘ جادوگراں ‘ دیواں ‘ پریاں تے سوداگر بچیاںنال میری علیک سلیک سی ۔ رات نوں میںطلسمی قالیناں تے اڈن کھٹولیاںوچ سمندراں‘صحراواں تے کوہ قافاں دی سیر کرداتے وڈے ویلے اٹھ کے تن کو ہ پیدل ٹردا سکولے اپڑدا۔بابے جدوں کھنڈوانگ ریت داپھکاماریا،مکھانیاں وانگ روڑچبے ،منڈے تریہہ کے نس گئے پر میں بیٹھا رہیا۔مینوں اوہ الف لیلٰی د ا کوئی پاتر جاپیا ،جہڑھا شہرزا ددے چیتے وچوںڈگ پیاسی تے رُلداپھرداسی۔اُہدے پچھلے آئے تے اہنوںنال لے گئے پرمیں کئی دینہہ مولاں دی ریت اتے بیٹھا اہدے اُپر واپری دا گویڑ کردارہیا۔

            فیرمیںکمہاراںتوںچیکنی مٹی منگی تے بابے داپتلاڈَولن لگ پیا۔پراجے اوہ پورا نہیں ہویاسی کہ پنڈ وچ رولامچ گیا:”ہائے وچارے دی ماں مرگئی اے“

            میں پچھیا”کدھی؟ “

            اوہناںآکھیا ”تیری“

            میںچپ داچپ....پورے چالہی دینہہ زنانیاں گوناں ورگے ویناں وچ میرا ناں لیندیاں رہیاں تے مینوں جاپیا میں وی مرگیاآں تے میںخورے سچی مچی مر جاندا جے قصے کہانیاںوچ پناہ نہ لیندا۔کہانیاں مینوں میری ہونددی دَس پاندیاں تے اوہ ساریاں گلاں کردیاں جہڑھیاں کہانیاں دی گڑھتی دین والی کرنیاں سن ۔ایس رولے گولے وچ بابے داادھ گھڑیابت میتھوں گواچ گیا۔

            گھروچ اک پڑچھتی سی جتھے ہنڈیاں ورتیاں‘ٹٹیاں بھجیاں تے فالتو چیزاں سٹ دیندے سن۔میں وی اپنے اندر اک پڑچھتی بنا لئی جتھے ترٹے بھجے سفنے‘ادھوریاں کہانیاں تے یاداں دے ٹوٹے لکادیندا...کدی ویہل لبھدی تے چیتے دی ایس پڑچھتی توں چیزاں لبھ کے لوڑ دی کوئی نویں چیز بنا لیندا۔پر بابے داان گھڑیا گذا خورے میں کتھے سٹ بیٹھاساں اوہدی لوڑ پئی نہ ای اوہ لبھیا۔

            پنجاہ ورہیاں وچ بندے دے اندربڑیاں گلاں تے کوڑکباڑ جمع ہوجاندااے۔میرااندرو ی مونہوں منہ بھریاگیاتے کچھ بیلیاں وی فرمائش کیتی پئی کوئی لمی کہانی چھوہواں ۔میںتیار ہوگیا....فن تے حیاتی دے لمے پینڈے پیناسی میںسوچیا پڑچھتی پھروالاں تے کم دی کوئی چیز ہووے تے نال لے لواں۔لمے پندھ وچ بڑیاں چیزاں دی لوڑہندی اے۔پڑچھتی پھرولدیاںتھلیوں بابے داادھ گھڑپتلانکل آیاپر اوہدے نال ہور کئی چیزاں جڑ گیاں ہویاںسن یاجوڑیاں جاسکدیاںسن۔

            اک سو پنجاہ توں ودھ کہانیاں لکھن تے ویلے دی دھپ وچ وال دھولے کرن پچھوں مینوں پرانیاں چیزاں جوڑ کے کوئی نویں چیز بناو


ن دی چنگی اٹکل آگئی سی ۔سگوں میں سچی مچی دے بندیاں ورگے بندے وی بنا لینداتے اہناں نوں گلاں کرنیاں وی سکھادینداپر بابے بارے اک مشکل سی اوہداجمن ویلا سو سا ل پیچھے رہ گیاسی۔ اہداُپامیں انج کیتا پئی اہنوںاپنا ہانی متھ لیا تے نویں سرے توں گھڑائی اُساری شروع کردتی۔ایس اُساری وچ اہدا آل دوآلا‘انگ ساک‘دکھ سکھ ‘اوکڑاںتے بھیڑاں جہناںاہنوں ریت پھکن تے روڑ چبن دی منزل تے اپڑایا تے اونیاں ای سن‘ہور بہت کجھ وی شامل ہوگیا۔سگوںمیںحیاتی دے میلے وچ آپوں ویکھے ہوئے کئی کھیڈتماشے وی نال رلادتے ۔ جویں گوناں بھرے سویرے گِدھے پاندیاں شاماں۔میٹی کھیڈدیاں چاننیاں۔سونے ورگیاں دیہیاں۔بندہ ڈبائونین۔چاواں بھرے پینگھ ہلارے۔ریجھاں سدھراں دی خشبو ۔مٹھی وچ بند ٹٹہنے۔مدھولیاں ہویاں کلیاں۔گھچولے ہوئے خواب۔یاداں دے واورولے ۔ہجر فراق دے ماروتھل۔بندیاں نوں چاردے ڈنگر ۔بھکھڑا کھاندے مورچکور۔سوراں منہ گلاب۔سوکے ماریاں پیلیاں۔ ریت برددریا۔ بندے بندے جنے ٹھوہیں۔پیر پیرتے ڈنگ۔راہواں ملی بیٹھے بگھیاڑ۔کھیہہ اڈاندے ککڑ۔وٹھاں کردے کاں۔زوراں وراںدے ال جھراٹے۔سیاست دے کوہڑکرلے۔ لتاں نال اسمان روکدیاں پتر کار ٹٹہیریاں۔رِچھاں ورگے بندے تے بندیاں ورگے رچھ۔وِرلا وِرلاآدمی تے ٹانواں ٹانواں تارا۔

            میں بڑے چرتوں ناول لکھن لئی اُگرداپیاساں۔رب داناں لے کے ٹھل ای پیاتے ایس گھمن گھیر وچوں نکل ای آیاں تے ہن اپنے پڑھن والیاں دی عدالت وچ حاضر آں۔

            اک گل ہور‘ ایس ناول دے سبھے کردار فرضی نیں تے دریاآباد اپنی لوڑ مطابق میراپنا وسایاشہر اے.... رب راکھا

                                                                                                                                                           

                                                                                                 منشایاد               

            سکھ سنیہڑا

            افسانہ منزل٨ سیونتھ ایونیو۔جی سیون فور۔اسلام آباد پاکستان

            ای میل:afsananigar@yahoo.com

tttarticlepage1.gif
ttt article page1

tttarticlepage2.gif
ttt article page2

tttarticlepage3.gif
ttt article page3

tttarticlepage4.gif
ttt article page4

tttarticlepage5.gif
ttt article page5

tttarticlepage6.gif
ttt article page6

tttarticlepage7.gif
ttt article page7

tttarticlepage8.gif
ttt article page8.

tttarticlepage9.gif
ttt article page9.

tttarticlepage10.gif
ttt article page10.

tttarticlepage11.gif
tttarticlepage11

Enter subhead content here

Enter content here

Enter supporting content here